Khliehriat, Rymphang, 11: U Deputy Commissioner bad Chairman ka District Disaster Management Authority (DDMA), East Jaiñtia Hills District lyngba u kyrwoh u pynbna paidbah ba ka jingpyntrei ïa ka surok National Highway-6 naduh Jowai shaduh Ratacherra ka ïaid beit bha manla ka sngi.
Ka surok Jowai-Ratacherra (Meghalaya – Assam Border) kaba dang pyntrei shaid shaid ka dei kaba jrong 69.200 kilomitar haduh 173.200 kilomitar ha ka surok National Highway-6.
Na marba ka jingpyntrei ka dang ïaid bha shaid shaid na kata ka daw khnang ban dup lah ban pyndep kloi ha ka por kaba biang yn khang shwa ïa ki kali heh (Heavy Motor Vehicles) ba kin ïaid kata naduh ka por 8:00 baje mynstep haduh 5:00 baje janmiet. Kane ka hukum kan treikam naduh ka 12 tarik, Rymphang 2025 haduh 14 tarik, Rymphang 2025, kata naduh ka sngi Balang haduh ka sngi Thohdieng, katba yn shah ban ïaid tang ki kali rit.
Kane ka hukum jong u Deputy Commissioner ka East Jaiñtia Hills District kan treikam noh mardor tat haduh ban da pynbna da kumwei pat.
