Shillong, Rymphang 11: Ka khubor ba la ïoh na ki pulit la ïathuh ba u Sujan Saha jong ka Guwahati, Assam u la phah ka jingujor ba ha ka step jong ka 8 tarik mynta u bnai, ki runar bym lah ban ithuh ki la tuh ïa ka thuk thuk jong u na Keating Road, Shillong.
Ha kawei pat ka jingjia kawei ka longkmie kaba sah ha kawei ka shnong ha Shillong ka la phah ka jingujor ba ha ka 14 tarik u Kyllalyngkot, 2025 ha ka por kumba 4.16 baje janmied, ka la siew ka pisa kumba T. 75,000/- sha uwei uba kyrteng u Pynshai Puweiñ lyngba ka GPay ha kaba ïadei bad ka kwah jong u ban ai ïa ka kawei ka Maruti Alto 800 car. Hynrei haduh mynta katei ka kali haduh mynta ym la ïoh ne pynpoi bad hadien ba ka la pyrshang ban contact ïa u, ka la shem ba ka phone number jong ka la shah block bad halor kane ka la shem ba ka la shah thok.
Ha kawei pat ka jingjia ki pulit ki la ïathuh ba u Bijoy Lal Dutta u la phah ka jingujor ba ha ka 8 tarik mynta u bnai, u la shem ba ki runar bym lah ban ithuh ki la tuh ïa ka scooter jong u kaba don u nombar ML-05AB-8083 na Upper Demseiñïong, Shillong.
Ki pulit ki la ïathuh ruh ba ha ka 9 tarik mynta u bnai ha ka por 9 baje mynstep, ki pulit ki la pynlong ïa ka jingtalasi ha Mawïong, ISBT Tri-junction bad ki la ïoh ban khang kdong ïa kawei ka Maruti Swift kaba don u nombar AS-25AC-9818 ha ryngkat bad uwei uba shong hapoh ka kali uba kyrteng u Sunil Das ba la 24 snem ka rta bad ki la lap bad kurup kawei ka synduk sabon kaba don 10.56 grams ba la suba ba u dei u drok ne heroin na u. Ki Pulit ki la kem ïa utei uba la shah kynnoh donkti ha kane ka kam.
