Shillong, Rymphang 03: Ka Elite Xl bad ka Momentum ki la pynthikna ïalade ban rung sha ka Quarter final ha ka Shillong Cricket League Third Division 2024-25 jong ka Shillong Cricket Association, hadien ba ki la jop ïa ka Pre quaterfinal hynne ka sngi Nyngkong. Ka Elite Xl ka la pynliem noh ïa ka Mawjam CC da 6 wiket, katba ka Momentum ka la jop kput haduh 102 run ïa ka Young Fighters.
Ha ka jingïalehkai kaba nyngkong ka Mawjam ka rai ban tied nyngkong hadien ba jop ïa ka toss bad ka la lah ba kan kamai 115 ron naki 20 ober bala mang bad khyllem baroh 10 wiket.
U Sahil Gurung (32 ron naki 21 bol) bad u Rahul Chettri (22 ron naki 22 bol) ki la long nongtied ba kamai bun ron ïa ka kynhun. Napdeng ki rangkawang bol ka liang pyrshah, u Arkadipta Choudhary u la khur 3/11 naki 3.5 over.
Haba beh ka Elite Xl ka la lah ban pyndep pura ba kan kynjoh 117 ron da kaba hap tang 4 wiket naki 13.1 over, watla na ka liang jong u Sahil Gurung (rangkawang bol ka liang pyrshah) u la ïaleh shitom da kaba khur 3 wiket naki 4 over hynrei kam pat biang ïa ka kynhun ban lait na ka namrem.
U Arup Das u la long uba seisoh tam ha ka tied na bynta ka Elite Xl da kaba kamai 26 ron naki 22 bol kaba la ïarap ïa ka kynhun ban jop da 6 wiket. Ja jinglah jong u ban ïalehkai bha ha ka tied bad bol ka la pynlong ïa u ban khur syndon ïa ka Player of the Match.
Ha ka jingïalehkai kaba bud la sakhi ïa ka Momentum kaba la pynliem kput haduh 102 ron ïa ka Young Fighters. Ka toss la jop da ka Momentum ha kaba ka la jied ban tied nyngkong. Ki nongtied kane ka kynhun ki la lah ban shan skhem ban da kaba kamai 201 ron naki 20 over ba la mang bad khyllem 8 wiket.
Ki nongtied kiba la kyrshan borbah ha ka tied ki long u Pritam Singh (38 ron naki 25 bol) bad u Lucas Wahlang (30 ron naki 19 bol). U Indramani jong ka liang pyrshah u la ïoh ban khur2 wiket naki 4 over bad shah tied 27 ron.
Haba pyrshang beh ïa ka thong, ki nongtied ka Young Fighters ki la shah pynkut noh da tang 99 ron naba khyllem baroh 10 wiket ha ka 13.5 over, dei tang u Pankaj kr Rai (21 ron naki 10 bol) uba la kamai kham bun ron ïa ka kynhun.
U Hemanta Chettri u la ïoh ban kawang 3 over, shah tied tang 27 ron da kaba khur pat 3 wiket, katba u Hamid Sohtum naki 2.5 over u la ailad 14 ron bad khur 2 wiket, kaba la pynthikna ïa ka Momentum ban jop kput haduh 102 ron. ïa ka nam Player of the Match la khur da u Hemanta Chettri uba la khur 3 wiket ha ka bol bad kamai 16 ron naki 18 bol ha ka tied.
