Ban pynshai ïa ka Child Labour Act. rakhe ka CHILDLINE, Nongpoh ïa ka World Day Against Child Labour ha ïew Byrnihat

Nongpoh, June 10: Kum shibynta ban rakhe ïaka World Day Against Child Labour ba la rakhe ha kylleng ki ri ka pyrthei, ka ophis trei kam jong ka Childline Nongpoh ka ba hap hapoh ka jingpeit jingkhmih jong ka Bosco Integrated Development Society BIDS mynta ka sngi ka la ioh ban rakhe kyrpang ïa katei ka program ha Byrnihat ha ki jaka long iew long hat.
Ha katei ka sngi la ioh ïaka jingkren pynshai paidbah halor ka phang jong ka Child Labour Act da ki ophisar na ka tnad jong ka Labour Department Ribhoi District bad ka Drama (Street Play) na ki samla pule jong ka skul bah Martin Luther Christian University, Shillong halor ka phang jong ka Jingpyntrei Bylla ïaki Khyllung Khynnah kaba long pyrshah ïa ka ain.
Kum ban shuh pynshai paidbah ka CHILDLINE Nongpoh kadei ka ophis treikam ka ba ai ka jingïada ka ba kyrpang bad ka ba kyrkieh na ka bynta kino kino ki khyllung khynnah ki ba hapoh ka 18 snem ka rta kiba ngat haka jingjynjar, ka pang ka shitom, ka jingshah leh beiñ, sha ih khunswet bad kiwei kiwei da kaba phone ha u number phone 1098 u ba ym donkam ban siew.
Ha katei ka sngi la wan ban ïa don ryngkat lang da u Kyle D Marak, District Labour Inspector, bah Wanbor Khonglah Labour Inspector Umling Block, I kong Deitikordor Lyngba, Center Coordinator CHILDLINE Nongpoh, ki Staf ka CHILDLINE Nongpoh, ki Samla pule ka Mahatma Gandhi University bad ki samla pule na Martin Luther Christian University, Shillong.