Ki jingtei ba itynnat ban sa tei ha pung Umïam bad ka jingtei ïa ka MICE ha Mawkhanu, Shillong

Shillong, Naiwieng, 04: Ka tnad Jngoh kai ka Sorkar India ka la pynbna ar tylli ki projek ba kongsan ban pynkylla ïa ka jylla Meghalaya sha ka jaka jngoh kai – ka jingkyntiew ïa ka nan Umïam kum ka eco-tourism hub bad ka jingwanrah ïa ki jingdon jingem jong ka MICE (Meetings, Incentives, Conferences, and Exhibitions) ha Mawkhanu, Shillong.
Ka tnad ka la sdang ïa kine ki artylli ki projek ban kyntiew ïa ka jingsaindur ha ki shnong, ki iew, ka jaka die jingbam bad ki jingdon jingem ba ïadei bad kane ha Umïam bad wanrah ïa ka jaka jngoh kai bad weng ïa ka jingkhapngiah jong ka sor Shillong.
Ha ka jinglut kaba T. 99.27 klur, ka projek ba la tip kum ka “Development of Umïam Lake as an Iconic Tourist Center” ka thmu ban pynbiang ïa ki jaka leit kai, ka pule puthi, bad ka jingpynbyrnia, khamtam ka jingpynbiang ïa ki longiing, ki riewieid mariang, bad kiba sngewtynnad ïa ki kam leit kai. Ka thmu ban kyntiew ïa ka Pung Umïam kum kawei na ki jaka jngoh kai ba biang tam ha India. Ka jingkyntiew ïa ka Pung Umïam kum ka jaka jngoh kai kan kynthup ka jingshna ïa ka jaka shna tiar tynrai, ka jaka die jingbam, bad kiwei kiwei ki jingdon jingem. Kane ka projek ka thmu ban kyntiew ïa ka jingkhring kane ka nan kum ka jaka jngoh kai ha kaba ki briew ki lah ban ïoh ïa ki kam bapher bapher ha ka jaka kaba itynnad. La khmih lynti ba kan plie ki lad ïoh kam palat 1,300 tylli bad khring ïa ka jingbei tyngka Public-Private Partnership (PPP) na ka bynta saw tylli ki projek ba shongdor T. 400 klur, ba kynthup ka Music Centre and Academy, ki kam Glamping, ka Visitor Center, bad ki Taj Hotel.
Ki jingdon jingem MICE ha Mawkhanu, Shillong ha ka jinglut kaba T. 99.27 klur kin phaikhmat ban plie ki jaka paidbah ba thymmai, ba kynthup ki lynti ïaid kjat bad ki lad ki leit ka wan, ka jaka pyni ïa ka deiriti bad ka jaka ba don ki jingoh shrong, ka jaka paidbah, ka jaka ban ïohi ïa ka mariang, ka madan, ka jaka pynlong tamasa, ka amphitheatre,ki jingbatai bad kiwei kiwei ki ban pynbiang ïa ka jaka jngoh kai kaba biang bad weng ïa ka jingkhapngiah ha sor Shillong.
La khmih lynti ba ka projek kan plie palat 1300 tylli ki lad ïoh kam bad pynshlur ïa ka Public-Private Partnership (PPP) ha hynriew tylli ki projek ba shongdor T. 425.25 klur. Ki sienjam ba la pynkhreh ki kynthup ka luxury prefab resort, convention center, amusement park, golf-themed resort, golf club, bad jaka lehkai golf.
Ki projek Umïam bad Mawkhanu kilong shi bynta ki 40 tylli ki projek ba la mynjur da ka sorkar India ban kyntiew ïa ki jaka jngoh kai ha 23 tylli ki Jylla ha ka jinglut kaba T. 3295 klur hapoh ka Special Assistance to States for Capital Investment (SASCI) – Development of Iconic Tourist Centres to Global Scale.