Shillong,Nohprah 03: Ka Meghalaya Rural Bank (MRB) ha ka 29tarik u Naiwieng ka la plie paidbah ïa ka shnat treikam ha Tikrikilla da u Principal ka Tikrikilla College, u Manseng A Sangma.
Haba kren ha kane ka jingïalang, u Kongsan u la ai ka jingïaroh ïa ka sienjam ban wanrah da ka shnat treikam jong ka Bank ha katei ka thaiñ kaba don mynta tang ar tylli ki bank. U pynpaw ruh ïa ka jingkyrmen ba kane ka bank kan lah ban ai ka jingshakri kaba paka na bynta ki paidbah ka thain.
Na ka liang u M Islam, Director, Hazarika Construction Pvt Ltd, corporate BC jong ka MRB u la pynshai halor ka jingdonkam ban don ka jingkynshew pisa ha ka bank bad ruh ban ïoh ïa ki jingmyntoi na ki bank na ka bynta ban kyntiew ïa ka ïoh ka kot.
Kiwei pat kiba don lang ha kane ka sngi ki kynthup ïa u Chief Manager Marketing u DS, Roy, Regional Manager Kong EC Lyngdoh, Manager NPA, Bah M Wankhar, Manager Fiancial Inclusion Bah P. Marbaniang.
Ka Tikrikilla Branch hapoh ka jingpeit jong u Subankar Das kan dei ka tnad treikam kaba 11 jong ka Rural Bank ha Garo Hills.
