Shillong, Nohprah 03: Ka khubor ba la ïoh na ki pulit la ïathuh ba ha ka janmied jong ka 9 tarik jong u bnai Risaw, ki pulit ki la lap ïa kawei ka scooter kaba la ieh khlem don ïa ka number plate najan DGAR Office kaba ha Laitumkhrah, Shillong, kaba la ïoh jingtip ba kane ka Scooter kadei kaba la shah tuh na St. Anthony Parking Lot, Shillong ha ka 12 tarik u bnai Nailar, 2024.
Ha kawei pat ka jingjia ki pulit ki la ïathuh ba ka Banrilidor Nongkynrih ka la phah ïa ka jingjujor ba ha ka 2 tarik u Risaw ki runar bym lah ban ithuh ki la prong hapoh ka dukan jong ka kaba ha Riatsamthiah Block-II, Shillong bad ki la tuh ïa kiba bun ki tiar kiba shongdor kumba T. 25,000/-.
Ha kawei pat ka jingjia ki pulit ki la ïathuh ba ka Headmistress jong ka Albin Lamare Memorial Secondary School, Nangbah (WJH) ka la phah ka jingujor ba ha ka 7 tarik u Risaw, ki runar bym lah ban ithuh ki la tuh ïa kawei ka CPU, artylli ki inverter battery bad kawei ka projector napoh ka skul.
