Nongstoiñ, Naiwieng 25: Ka District Legal Services Authority (DLSA) West Khasi Hills District mynta ka sngi ka 25 tarik Naiwieng 2024, ka la pynlong ïa ka Legal Awareness Program halor ka International Day for the Elimination of Violence Against Women ha Tiehsaw Dorbar Hall Nongstoiñ.
Ïa kane ka prokram la pynïaid da u bah Comingstar Kharsyntiew u ba long u Assistant LADC, ha ka jingïadonlang ka kong L.Nongrem (LADC) u Sordar Shnong, bad ki nongshong shnong ka Tiehsaw.
La pynlong ïa ki jingïalang ai jingtip halor ki phang kiba kongsan kiba kynthup ïa ka jingshakri ai jingïarap Aiñ khlem jingsiew bad ka jingtreikam jong ka DLSA da ka kong L.Nongrem, Assistant LADC.
Ka jingïada ïa ki Kynthei na ka jingshah thombor ha ïing (One-Stop Centre and Available Scheme) ka aiñ khang ïa ka jingshongkha khynnah 2006 bad kiwei kiwei pat bad la bud pat sa da ka jingïathir jingmut hapdeng ki nongwan sha katei ka prokram bad ki riew shemphang aiñ.
Ka prokram ka thmu ban pynsngewthuh shaphang ki jingïada aiñ na ka bynta ki kynthei bad ki khynnah, ban pynsngewthuh ïa ki paidbah shaphang ki lad ki lynti bad ki jingshakri kiba don ban weng ïa ki jingeh jong ka jingshah thombor bad jingbym ïa ryngkat.
