Shillong, Naiwieng 16: Ka khubor ba la ïoh na ki pulit la ïathuh ba ka kong Titibon Nongrum ka la phah ka jingujor ba ha ka janmied jong ka 12 tarik mynta u bnai, ki runar bym lah ban ithuh ki la prong hapoh ka ïing jong ka ha Mawblei Block-B, Shillong bad ki la tuh ka pisa kumba T. 40,000/-, ka ksiar kaba shongdor kumba T. 4 lak, kawei ka mobile phone, bad ki kot kiba shongdor bad kiwei kiwei.
Ha kawei pat ka jingjia uwei u nongshong shnong ka Shillong u la phah ka jingujor ba ha ka 11 tarik mynta u bnai, 3 ngut ki briew kiba la tip kyrteng da Shankar Choudhury, Sanjay Badaik bad Lingaraj Narg, ki la thok ïa u pisa haduh T. 68,700/- da ka jingkular ba kin ai kam bylla ïa u bad ïa ki paralok jong u ha Bangalore, Karnataka.
Ha kawei pat ka jingjia Joint Secretary, Meghalaya Information Technology Society, Secretariat Hills, Shillong la phah ka jingujor ba ha ka 13 tarik mynta u bnai, ki runar bym lah ban ithuh ki la pynpait ïa ki DG set ba la buh ha marpyrshah ka O/o Meghalaya Printing and Stationery, Shillong bad ki la tuh ïa ki waïar copper ba shongdor kumba T. 10,000/-.
