Khliehriat, Naiwieng 05: Ka East Jaiñtia Hills District Football Association (EJHDFA) shen kan sdang sa ka lympung ïalehkai phutbol jong ka kyrdan ‘Super Division Football Tournament-2024’ kaba la tip kum ka 4th Kyrmen Shylla Contribution Trophy ïa kaba yn pynïalehkai ha madan EJDSA Artificial Turf, Diengshynrum, Khliehriat.
Ha kane ka lynpung Super Division ki kynhun ïalehkai kila don haduh 8 tylli kiba kynthup ïa ka R.Shkenshynriah SC, Sutnga SSCC, Khliehriat West YWSC, R.Iawpynsing SC, Thangskai Tiger SC, Dhana SC, Chiehruphi SYWSC, Ladrymbai B SC.
Ha ka jingïakhun kaba nyngkong ka ban long haka 11 tarik u Naiwieng, 2024 kan long hapdeng ka Sutnga SSCC pyrshah ïa ka Chiehruphi SYWSC ha ka por 11:45 am, katba ka R. Iawpynsing SC kan ïakhun pyrshah ïa ka Thangskai Tiger SC ha ka por 2:15 pm. Kane ka long katkum ka kyrwoh khubor ba la pyllait da u General Secretary ka EJHDFA.
