Shillong, Naiwieng 04: Ka jingpynkhreh pynkhrum ïa ka jingïalehkai kaba ar jong ka Ranji Trophy 2024-25 Elite Group A ha madan MCA ha Polo ka la ïaid biang shakhmat, ha kaba ha kane ka kynti, ka kynhun ïalehkai ka Meghalaya kan mih madan ban aireng pyrshah ïa ka Jammu and Kashmir kabn sdang naduh ka sngi Balang jong ka taiew.
Kumba ka long, naduh ba ïoh ïa ka lad ban wanrah ïa kane ka lypung ïalehkai ha la iing kam long satia ka kam kaba suk, kaba hangne donkam ïa ki riew shemphang bad ki nongtrei (curator & ground staff) ba kin hap ban trei minot da ki bun bun ki bnai, khnang ban lah ban pynlong ïa ka madan ban pynïalehkai (pitches) kaba biang nadong shadong, kaba myta ka kynti, la ïoh ia ka jingpyrto bha na ki bor ba dei khmih jong ka BCCI.
“ Ka long ka khyllipmat kaba kaba sngew sarong ban ïoh ïa ka jingpyrto na ka BCCI naduh ki Neutral Curators, Match Referees, Umpires bad kumjuh na ki nongïalehkai na kiwei pat ki jylla, kaba kane ka madan ki don ïa ktta ka jait madan kaba tip kum ka Table of 9 wickets (pitches) ” la pynpaw u President ka MCA u Naba Bhatacharjee, ha kaba u la kam shuh shuh ba kitei baroh ki ñiew bad buh ïa kane ka madan hapdeng ka kyrdan kaba 7 ne kaba 8 ha ka ri hi baroh kawei.
U Naba um lah ruh ban khlem da pyrto bad ainam ai burom ïa la u jong u para dkhot katta u bah Peter J Lamare (BCCI-qualified curator) bad ïa u Pobitro Rabha (chief groundsman) bad ki briew kiba la don kti lang ban lah ban saiñ dur bad pynlong ïa kane ka madan kum ba ka dei ba kan long mynta.
Kumba ka long ka Meghalaya ka la lah ha kaban pynlong lai tylli ki jingiakhun, kaba ka kynhun ialehkai ka jylla, ka la mih madan ban aireng pyrshah ïa ki kynhun kiba la paw bad khlaiñbor bha.
“Dei na kine ki lai tylli ki jingïakhun ba la shem bad ïohi ba ka kynhun ka jylla ha baroh ki ar kylla jong ka jingïalehkai ba ki la lah ban kamai 461 ron, kaba kren shai kdar ia ka dak jong ka jingsdang ban tbit bad skhem bha ka tied, kampher wat lada dang don bun ki bynta kiba kum ka kynhun kan dang hap ban trei shitom naka bynta ban pyntbit ne ban pynjanai bha ialade.
“Kumta mynta ki khmat kin phai pat sha ka sngi Balang jong ka taiew, kaba hangne ka suin bneng ka la kylla, ha kaba yn ïa peit bad ïohi ba haduh katno kine ki madan kin ïalam, kaba lada shu ia swar lah ban ong ba kan ailad lang ïa ki batsman bad kumjuh ïa ki bowler.
