Umswai (Karbi Anglong) Naiwieng 03 : Ka Youth Camp jong ka Presbyterian Youth Fellowship ne ka lympung jong ki Samla ka Balang Presbyterian ha ri India, ka la sdang ha ka Balang Umswai, Karbi Anglong Synod ka la sdang naduh ka 01 tarik mynta u bnai.
Ha kane ka lympung la wan ïashim bynta da ki Jingïaseng Samla na ki Synod na hap ha ka Presbyterian Church of India.
Ha ka sngi ba sdang lah ïoh ban pyllait ïa ka Magazine jong ka PYF. La ïoh ïa ka jingkren na u Administrative Secretary Incharge ka PYF uba kren halor ka jingshakri u Nehemaia, uba la ieng pyrshah ia ka jingsynshar donbor ki Nongsynshar bad ban kren ïa ka jingshah banbeiñ kiba duk.
Ha ka sngi sdang la ïoh ïa ka jingrwai Choir na ka Karbi Anglong Synod, Ribhoi Synod CE Union bad KJP Synod Pdeng kaba la rwai da ka ktien Hindi.
Ha ka sngi ba ar jong ka Youth Camp la ïoh ïa ka jingïalehkai phutbol paralok da ki Delegate na ka liang ki Kynthei bad kumjuh ruh ki Samla shynrang.
