Pdiang burom ka KSU ïa ki samla ba jop takma ha ka Muay Thai ha UAE

0

Shillong, Jylliew 6: Ka Khasi Students’ Union North Khasi Hills District unit ha ka janmiet jong ka 5 tarik u Jymmang 2022 ka pdiang burom ïa ki samla ka Jaidbynriew kiba la wanrah nam bad burom ïa ka Jaidbynriew ha ka jingleit ïalehkai jong ki sha ka Ri UAE.
Ha katei ka janmiet ka KSU ka la pdiang burom ïa ki tei ki Samla ha Indoor Stadium, Nongpoh ha kaba la don ki Nongialam ka KSU North Khasi Hills District Unit ba kynthup ïa u Samla James H Mawphniang-General Secretary,u Samla Banjop Maring-Education Secretary,U samla Baiashanlang Kharshanlor- Asst organising secretary ha ryngkat ki dkhot ka KSU Nongpoh Circle.
Haba pdiang burom ia kitei ki samla ba wanrah nam iaka Jaitbynriew ha ka jingïashim bynta ha ka IFMA Senior Muay Thai Championship 2022 ha Abu Dhabi kynthup ïa u samla Balaseibok kharbuli uba iakhun na ka kyrdan Under-23 male ha ka jingkhia kaba 48 KG bad u Pynnehbor Mylliemngap ha ka kyrdan Senior Male Elite 48 KG kiba la khur ïa ka Takma rnong,u Samla Skhem Marwein, la synran lang da u Coach Bah Angelus Sun, Bah Pynsuk Sumer (Referee).
Ka KSU North Khasi Hills District Unit lyngba u Samla James H Mawphniang ka sngew sarong bad ka kyrmen skhem ba ki samla ka Jaidbynriew kin ïai mih shakhmat ban synniang ïa kaba bha lyngba ki sap ki phong kumba kitei ki Samla ki la mihkhmat ïa ka Ri India bad wanrah syndon ia ka nam ka burom ïa ka Jaidbynriew, kum ki samla kin ïai minot thop bad kilan bha khnang ba kin ïai lah shuh shuh ban poi sha ka kyrdan bad ka thong ba sha kliar.
Na ka Liang u Coach u Bah Angelus Sun u la ai khublei ïa ka KSU North Khasi Hills District kaba la leh burom ia ki Rang ïalehkai u la ai ka jing khublei ïa ka KSU Central Executive Council ruh kaba la kyrshan bor bah ïa ki ha kaba u la pyn kynmaw ba dei ka KSU hapoh ka jingïalam u Samla Lambokstarwell Marngar bad u Samla Donald V Thabah kiba la ïarap ha u snem 2021 na ka bynta ban leit shim bynta sha ka Ri Thailand.

Leave A Reply

Your email address will not be published.