Jowai, Naiwieng 03: Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long ha ka sngi Saitjaiñ (2 tarik u Naiwieng) ha madan Kiang Nangbah Stadium, Jowai.
Haba phai sha ka jingïakhun ka kynhun ïalehkai jong ka Mynthong kala pynliem da 2-1 kol ïa ka Moosalyngkat. ïa ki kol na ka Mynthong la thep da u Waiphrangki Shadap haka minit ba 26 bad u Soolangki Phawa (own goal) ha ka minit ba 63. Katba ïa ka shikol na bynta ka Moosalyngkat la thep da u Hambert Dkhar haka minit ba 82.
Ka jingïakhun haka 4 tarik u Naiwieng kan long hapdeng ka Mookyndur pyrshah ïa ka Khliehïongriang ha ka por 2 baje nohphai sngi.
