Nongpoh, Naiwieng 01: Ki 3 ngut ki nongïalam ka Party NPP Nongpoh Block ba kynthup ïa u Bah Minsing Makri, Stoin R Syngkli bad u Bah Lawrence Nongrum kiba la leit ban pynïasoh noh sha ka party Congress kila phla ba ka daw ba ki mih noh naka party NPP ka dei namar ba kim don jingshaniah shuh ha katei ka party NPP namar haduh mynta ki tip shai ba ka party Congress kadei ka party kaba ki paidbah ki dang ïeid, bad don ka thong ban kyntiew ïaki paidbah haka jylla bad ka ri baroh kawei.
Kila ong ruh ba kane ka jingïalang pdiang burom da ka seng Congress kaba la long mynta ka sngi ha Nongpoh ka dei tang ka jingsdang namar dang don shibun ki riew rangbah, ki longkmie bad ki khun samla ki ban sa wan ban pynïasoh bad ka seng Congress ha ki sngi ban wan ban ai ka jingkyrshan baad pynkhlaiñ ïaka party Congress.
U Bah Minsing Makri bad u bah Stoin R Syngklui ki la ïathuh ruh ba naduh myn shwa kidei ki nongkyrshan kiba rat bah jong ka party Congress hynrei dei namar ka jingshah kheiñ troin naki nongïalam kiba mynshwa ki la hap ban mih noh naka Congress bad pynïasoh sha ka NPP. Ki la iathuh ba dei namar ka jinglong jingman jong ka sorkar kaba mynta kaba la lam khmat daka NPP ba kim lah shuh ban shanñiah ïaka rukom treikam kumba ki paidbah ki ud haka jylla kaba kim banse ban mih noh naka NPP ban pynïasoh sha ka Congress namar ki haduh mynta hi ki paidbah ki dang shaniah ha katei ka party.
