Jowai, Naiwieng 01: Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long ha ka 01 tarik u Naiwieng (sngi Thohdieng) ha madan Kiang Nangbah Stadium, Jowai.
Haba phai sha ka jingïakhun ha kane ka sngi ka kynhun ïalehkai jong ka Mooknor Thadmuthlong kala pynliem noh da 1-0 kol ïa ka Mukhla Evergreen. Kane ka namtam na bynta ka Mooknor Thadmuthlong la thep da u Apshwa Tyngkan haka minit ba 41 kaba la biang pura ïa ka kynhun ban khur ïa ka jingjop.
Ka jingïakhun ha kane ka sngi Saitjaiñ (2 tarik u Naiwieng) kan long hapdeng ka Mynthong pyrshah ïa ka Moosalyngkat ha ka por 2 baje nohphai sngi.
