Jowai, Jylliew 05: Ka Hynñiewtrep Integrated Territorial Organization (HITO) Sengkmie hynnin ka sngi ka 4 tarik kala ïoh ban pyllait paidbah ïaka kali kit nongpang haka shnong Sahsniang West Jaiñtia Hills District.
Ïa kane kali kit nongpang jong ka seng yn pynïaid hapoh ka jingkhmih jong ka HITO Sahsniang Area ban ai jingshakri kaba bha tam ïa ki paidbah ha ka liang ka koit ka khiah hapoh ka imlang ka sahlang bad khamtam eh ha katei ka thaiñ.
Ha kane ka jingpyllait paidbah ïaka tei ka kali kit nongpang la ïoh ïaka jingpdiang sngewbha na u President ka Sahsniang u bah Overfive Biam, la ïoh ruh ïaka jingkren na u Waheh Shnong ka Sahsniang Saitthad u ma Poimon Laloo, u president rangbah ka seng u Donbok Dkhar, bad u Habahun Dkhar Local MDC kum u kongsan.
Hashwa ban khap ïa u ribon na u kongsan la ïoh ruh ïaka jingduwai kyrkhu na u Fr. G Nongkhlaw uba dei Parish Priest ka Sahsniang Parish haka jongïadon lang jong ki nonshong shnong bad kumjuh ki nongïalam ka HITO Sahsniang bad kumjuh naka District.
