Jowai, Jylliew 05: Ka Rotary Club Jowai (RCJ) hynnin ka sngi saitjaiñ kala pynlong ïa ka jingïalang ban pynrung dkhot thymmai ne ka Induction Ceremonny jong u snem 2022 kaba la long ha Infinity Conference Hall, Mooralong Jowai.
Ïa ka jingïalang la pynïaid u Montri Passah, MPHF President Rotary Club Jowai, la ïashim bynta lang da ka jingrwai National Anthem da baroh ki dkhot, la ïoh ruh ban pule ïa ka Profile jong u Fencing Syrti uba die u dkhot ba pynïasoh thymmai bad ka Rotary Club Jowai.
Ka Rtn. E.F.Gatphoh, MPHF Charter President haba ai jingkren kum ka kongsan kala pynkymmaw haba rung dkhot hapoh ka Rotary ki dei ban long kiba don burom namar ka dei ka seng kaba don bynta ha kylleng ka Ri ka pyrthei, kala kyntu ruh ba dei ban kut tang ha ka nam hynrei dei ban treikam katkum ka riti dustur jong ka Rotary International.
