Da ka kyrteng u Bernard phah ka BJP ban ïakhun ha ka elekshon shiteng samoi ha Gambegre

Shillong Risaw 19: U President ka BJP Meghalaya State Unit la ong ba la phah ïa ka kyrteng jong u Bernard N Marak ban ïa khun ïa ka elekshon shiteng samoi na 56-Gambegre (ST) Assembly Konstitwensi ka ban long ha ka 13/Naiwieng/2024.
Ha kaba ïadei bad kane katkum ka tyllong khubor la ïathuh ba u Rikman Momin u la ong ba ka party ka la pynkhreh ban ïa khun ïa ka elelshon shiteng samoi ka ban sa long ha Gambegre bad ïa mynta la dep ban phah ïa ka kyrteng u Bernard N Marak sha ki bor ba halor ban ai ïa ka jingmynjur.
Shuh shuh ka tyllong khubor ka la ong ba kumba ka party ka la dep ban pynkhreh ban ïa khun, kaba sah mynta ka shong ha ki bor ba halor jong ka party na Delhi la kin ai ne em ïa ka jingmynjur bad kumba ka long ki paidbah na Gambegre ki kwah ba u Bernard un ïa khun ïa kane ka elekshon.
Ha kaba ïadei bad kane ha ka juh ka por la ong ba ki dang ap ïoh dang don kiba kwah ban ïa khun ïa kane ka elekshon shiteng samoi, hynrei kum u President jong ka party la dep ban phah ïa ka kyrteng jong u Bernard N Marak sha ki bor ba halor bad mynta ki dang ap ban ïoh ïa ka jingmynjur.
Shuh shuh la ong ba ki nongtrei jong ka party ki la khreh ban ïakhun ïa kane ka elekshon ha katei ka constituency bad mynta ki dang ap tang ïa ka jubab na ki bor ba halor jong ka party la kin pdiang ne em ïa kane ka jingwah ka party ban ïakhun ïa ka elekshon.