Shillong, Jylliew 5: Ha ka jingïalehkai football First Division jong ka TASA ha ka sngi Saitjaiñ ka Phudbyrnei SC ka la jop da 2-0 ïa ka Bara FC. Ïa ki ar kol na la la thep da u Franchis K Wanniang ha ka minit ba 32 bad u Oris K Wanniang ha ka minit ba 39.
Ha ka 2nd Division pat ka Rangshangkham SC ka la pynliem da 2-1 kol pyrshah ïa ka Kyrphei SC, ïa ki ar kol na bynta ka Rangshangkham SC la thep da u Dibansing L Nonglait ha ka jingïalehkai ba dang ïaid lai minit bad u Belstarsing L Nonglait u la thep ha ka minit ba 33 katba ïa ka shi kol na bynta ka Kyrphei SC la thep da u Sistarlang Rynjah ha ka minit ba 37. Ha ka 3rd Division pat ka Pompyrthat SC ka la jop da 3-0 ïa ka Mawsingshad SC.
