Khliehriat, Risaw, 11: Ka jingleh niam Durga Puja jong ki riew ngeit Hindu ka iaid beit ha ryngkat ka leh kmen. Ha East Jaiñtia Hills District ki don khatar tylli ki Puja pandal.
Ki Sarbojanin Durga Puja Pandal ki kynthup ïa ka pandal ha Khliehriat West, ha Sookilo, ha Amrit Cement ha Umlaper, ha Green Vally, Nongsning, Hill Cement Mynkre, ha Umpleng, ha Ladrymbai Datsimpeiñ, Ladrymbai Khliehdupon, ha company Topcem ha Thangskai, ha Star Cement Lumshnong, ha Dalmia Cement ha Thangskai bad ha Goldstone Cement ha Musiang Lamare.
Kane ka jinglehniam jong ki riew ngeit hindu ka la sdang naduh ka 8 tarik u risaw bad ka jingleit bret ia ki blei kan kut ha ka 13 tarik mynta u bnai.Khang ban nym ktah ïa ka khuid ka suba jong ki shnong ki thaw bad ki um ki wah ki bor synshar ka East Jaiñtia Hills District ki la pynkhreh ïa ki jaka bret blei bad ki jingkñia ha Jalyiah bad ha ki karkhana bad ha Umpleng.
