Shillong, Nailur 22: U Myntri Rangbah duh, Narendra Modi u la ban biang ïa ka jingkut jingmut ban ïada ïa ki mrad Rhino ne ki kyndat ha ka jingrakhe ïa ka World Rhino Day. U la kyntu ruh ïa ki nongshong shnong ba kin leitjngoh ïa ka Kaziranga National Park ha Assam, ka jaka kaba bun tam ki one horned Rhino ha India.
“Mynta, ha ka World Rhino Day, to ngin bteng biang ïa ka jingkut jingmut jong ngi ban ïada ïa ki mrad ba pawnam tam ha kane ka pyrthei – ki kynda. Ka jingïaroh ka leit sha baroh kito kiba don bynta ha ki sienjam ban pynneh pynsah ïa ki kyndat la bun bun snem mynta.
“Ka long ka jingsngew sarong kaba khraw ba ka India kadei ka jaka kaba bun tam ki one horned rhino. Nga kynmaw ïa ka jingleit jong nga sha Kazirangaha Assam bad nga kyntu ïa baroh ba kin leit jngoh ïa kane ka jaka,” u la ong.
