Shillong, Nailur 23 : Ka Don Bosco College Byndihati ka la rakhe ïa ka 07th Graduation Day ha kaba u Dr. Ricky Andrew J Syngkon, u MP ka Shillong u la long kum u kongsan bad Dr. Sherwin M Sungoh kum nongkren ba hakhmat ha kane ka prokram.
Ha kane ka sngi la don lang ki kmie ki kpa ba kynthup ruh ïa Fr. Daniel D M Cajee, Principal, bad kiwei kiwei kiba la shah khot sngewbha.
Ha ka jingkren jong ka Dr. Sherwin M Sungoh ka la banjur halor ka jingdonkam ban kyntiew ïa ki kam pule kiba long ka bynta kaba kongsan ban kyntiew ïa ka imlang sahlang.
Na ka liang u Dr. Ricky Andrew J Syngkon, kum u kongsan u la ïaroh ïa ki nongseng jong ka college ha Byndihati, kaba dang donkam bha ban kyntiew ha ka liang ka pule puthi ha India. U la ong ruh ba ka ong kaba kongsan bha ban kyntiew ïa ka pule puthi ha ki jaka kiba dang duna ha ka ïoh ka kot.
U Dr. Syngkon u la pynshlur ruh ïa ki samla pule ban long ki nongwanrah ïa ki jingkylla ha ka imlang sahlang.
Ha kane ka prokram la ai ka jingithuh kaba kyrpang da ka Excellence Award ceremony ïa Richard Siangshai (05th Rank in Education Department) bad ka Rajashree Deori (07th Rank in English Department).
