Shillong, Nailur 19: Ka kynhun ki nongbishar jong ka Ïingkashari ba halor duh ka ri ne ka Supreme Court Collegium ka la phah ïa ka kyrteng jong u Justice Indra Prasanna Mukerji kum u Chief Justice ka Ïingkashari Meghalaya High Court.
Shuwa kane, ka Collegium ka la phah ïa ka kyrteng u Justice Tashi Rabstan kum u Chief Justice ka Meghalaya High Court hynrei hadien la pynkylla noh bad la phah ïa u Justice Rabstan kum u Chief Justice ka Jammu & Kashmir bad Ladakh High Court.
Ha kajuh ka por, u Justice Mukerji u dei uwei na ki Nongbishar ba la rangbah bha jong ka Calcutta High Court. U la shah thung kum u Nongbishar ka Calcutta High Court ha u Jymmang 2009.
U Justice Mukherjee u la dei ban shongthait noh ha ka 5 tarik Nailur 2025. Lah ban ong ba u Justice Hamarsan Singh Thangkhiew u la long kum u Acting Chief Justice hadien ba khlem pat thung ïa u CJ ba thymmai jong ka Meghalaya High Court.
