Shillong, Nailur 19: Ka STEM ka la pynlong ïa ka jingpyni paidbah ïa ki kam kiba thymmai ha kaba ïa kane ka prokram la pynlong ha Mawngap District Christian Multipurpose Higher Secondary School.
Ka STEM haba pynlong ïa kane ka prokram ka la banjur halor ka subjek science, technology, engineering, bad ka mathematics, kiba dei ki sap ki phong ba ki samla ki la sei ha ki bynta bapher bapher, ba kynthup ruh ha ka kam pule computer science.
Ki khynnah pule ha kane ka prokram ki la pyni ïa ki sap haba ïadei bad ka science bad ki projek technology.
Ïa kane ka jingpyninam ne exhibition la plie da u Director of School Education and Literacy u Swapnil Tembe da ka jingdonlang kiwei kiba la shah khot sngewbha.
Haba kren ha kane ka exhibition, na ka liang u Tembe u la banjur halor ka jingdonkam ban pynbha ïa ki jingtei jong ki skul ha ki thaiñ nongkyndong khnang ban pynlong ïa ka subjek science kaba sngewtynnad da ki samla pule.
U la banjur ruh halor ka jinglong kaba kongsan kum ki prokram ka STEM, ha kaba ki samla pule kin tip halor kane ka phang.
Na ka liang ka Principal jong ka school, J. Thabah, la pynpaw ïa ka jingai khublei ïa ka tnat Pule puthi ka sorkar ba ka la jied ïa kane ka skul ban pynlong ïa ka prokram STEM.
Ka la ong ba ki samla pule ki la ïoh jingmyntoi bha halor ka jingpyntreikam bad pynlong ïa kane ka projek ka STEM ha ka skul.
