Jowai, Nailur 17: Ki saw ngut ki briew kila mynsaw jur na ka jingshah tied pyrthat kaba la jia hynnin ka sngi 16 tarik haka por 2 baje nohphai sngi haka shnong Mowshadep kaba dang hap hapoh ka Laskein Block West Jaiñtia Hills District.
La ïathuh kitei ki saw ngut ki briew ki dang wan ïapbriew, hynrei ha katei ka por ba jur u slap kila leit ban rieh noh ha trai jong uwei u diengjri heh bad katei ka jingshah tied pyrthat jong ki kala wanrah ka jingmynsaw jur haduh ba kim tip briew shuh.
Ïa kitei kiba la mynsaw jur la tip kyrteng kum u H. Ting na shnong Mooshrot, u B. Tyngkan na Niawkmai, u P. Sten na shnong Mukroh bad u S. Lyngdoh na ka shnong Sahsniang.
Hadien ba la ïohi ïa kane da ki nongshong shnong la pynkit noh mar mar ïa ki sha ki jaka sumar ban ïoh ka jingsuma ba paka, napdeng kine ar ngut kila mynsaw jur na ka jingshah tied pyrthat.
