Jowai, Nailur, 13: Ka Hynñiewtrep Integrated Territorial Organization (HITO) West Jaiñtia Hills District mynta ka sngi hapoh ka jingïalam u President A.G Sateiñ bad u Secretary Hame S Rymbai ryngkat bad ki dkhot jong ka District kila leit ban ïa kynduh bad ka officer ba dei khmih ïa ka MTC (Meghalaya Transport Co-Operation Jowai Deport) ha kaba ïadei bad ka jingleh lyndet jong ka sorkar ïa ka MTC kaba don ha Jowai da ki bun snem mynta.
Na ka liang ka seng kala shim ïa ki sien jam ban dawa na ka sorkar ba kan peit ïa ki jingeh jong ki briew kiba don sha kane ka thaiñ, khamtam ïa kito ki thaiñ ba lah duh ïa ki kali Bus (Jowai sha Saipung), Jowai sha (Khanduli Hamren) bad sha kiwei kiwei ki jaka kiba ki briew ki dang shañiah ka leit ka wan ha ki (Bus MTC Jowai Deport).
Katkum ka jinglap jong ka seng ba don shibun ki jingduna hapoh kane ka (MTC Jowai Deport) ki jingduna ki long naduh ka Buildings, Parking lots, ki Bus, ki nongtrei ha ka post ADM, UDA bad kiwei, ka kynroh, ka Railways Counters.
La lap ruh ba ïa kane ka Office MTC (Jowai Deport) la pynïaid tang da ki LDA Post bad ha katei ka Office ki post ba lah duh ka dei ka post ADM bad ka UDA.
Ha ka liang ki kali (Bus) ba lah duh mynta ki dei (Jowai sha Khanduli Hamren bad Jowai sha Saipung) dei halor kane ka nongrim ba ka seng ka lap ïa ki jingtlot jong u Minister incharge jong ka (Transport Department) bad ha kajuh ka por ka seng ka dawa mardor na u Minister ba dei peit ïaka (Transport Depertment) ba un peit ïa ki jingeh jong ki briew ka Ri-lum Jaiñtia hi baroh kawei.
