Jowai Jylliew 01: Ka Jowai Shillong Alto Tourist Association (JSATA) kala pyntip paidbah na ka daw ka jingkiew dor palat ka bai kali na Jowai- Shillong, Shillong- Jowai kaba la buh jingeh ïa ki nongleit nongwan (Passenger).
Na ka liang ka sneg kala pynbna ba naduh ka 6 tarik Jylliew (June) 2022, kan pynhiar noh ïa ka dor bai kali na ka Rs. 250 sha ka Rs. 200 tyngka. La ïathuh ka kyrwoh na u President bad Secretary ka Jowai Shillong Alto Tourist Association ma D. Iongwai bad u ma R.F. Ryngki.
