Khliehriat, Nailur 12: Ka SWO Moosianhlamare Old SC ka la ïoh ban khur pura ïa ki lai point ha ka jingïakhun ka lympung ïalehkai phutbol jong ka kyrdan 2nd Division bala pynïaid da ka East Jaiñtia Hills District Football Association kaba la long ha ka Sngi Palei (12 tarik u Nailur, 2024) ha madan Artificial Turf, Diengshynrum, Khliehriat.
Haba phai sha ka jingïakhun, ka SWO Moosianhlamare Old SC kala ban pynliem noh da tang 1-0 kol ïa ka Khliehmyntriang SC ban khur pura ïa ki lai point shalade. Ïa kane ka namtam na ka SWO Moosianglamare Old la thep da u Premi Muksor ha ka minit ba 55.
Shuwa kane, ka jingïakhun ba nyngkong la sakhi ïa ar tylli ki kynhun, ka Lakadong Umlatdoh SCSC bad ka Rymbai Pohskur SC kiba la ïasam mar shi point naba ïakhaid da mar 1-1 kol.
ïa ka kol naka L. Umlatdoh la thep da u Daohipaia Rymbai haka minit ba 66, hynrei ka Rymbai Pohskur SC ka la pynïakhaid noh lyngba u Hermon Dkhar haka minit ba 78.
