Ka jingkhang jong ka seng Congress ka dang plie ïa kiba kwah wan phai: Bah Ronnie Lyngdoh

Shillong, Nailur 01: Ka saiñ pyrthei ha ka jylla katba dangmih ki sngi ka la nang itynnad ha kaba u MLA ka Congress na Mylliem, u Bah Ronnie V Lyngdoh u la ong ba ka jingïakren ha u snem 2028, ka ilekshon ka lah ban long ka jingïakhun hapdeng ka Indian National Congress bad ka Voice of the People Party (VPP) ha Khasi-Jaiñtia bad kane ka lah ban ong ha kaba ïadei bad kane ka election.
Shuh shuh na ka liang jong u u la ong ba kumba ka long mynta bun bah kiba la pynpaw ka jingkwah ban don noh bad ka seng Congress, kynthup ki riewshemphang bad ki Nonghikai.
Utei u nongïalam u la ong ruh ba ka Congress ka dei kaba kdup lang ïa baroh bad kaba wanrah shibun ki jingmyntoi ha ka roi ka san, kynthup ïa ka skhim 100 sngi, bad ka jingïarap ïa ki longkmie ba duk da ka pisa bad kiwei pat ki kam pynroi.
Ha kaba ïadei bad ki nongïalam bad MLA barim ba kin leit phai biang sha ka Congress, u Bah Ronnie u la ong ba ka jingkhang jong ka Congress ka plie beit lada ki kloi ban pynkohnguh ba ki kwah ban trei na ka bynta ki paidbah. U la ong shuh shuh ba ïa kito kiba wanphai ka party kan sa peit katkum ki kam jong ki ban bishar lada ki kwah ban wan phai.