SHILLONG, Nailar 16: Ka klob Shillong Lajong FC ka la dap da ka jingsngewsarong hadien ba u wei na ki samla lehkai ka klob, u Banlamkupar Rynjah u la shah jied ban mihkhmat ïa ka kynhun U-17 jong ka ri India.
Ka jingshah jied ban don bynta bad ka kynhun ïalehkai jong ka ri ka long kaba kongsan ha ka jingim jong u Banlamkupar’ bad ka pynpaw ruh ïa ka jingtbit, ka jingtrei shitom, bad ïa kaei kaba u lah ban leh ha madan.
U Banlamkupar Rynjah u dei u player ka kynhun ki samla lane youth team jong ka SLFC, bad u la lah ban khring ïa ki khmat jong ki nongpeit lyngba ka sap ba kyrpang ba u don.
Shuh shuh, kane ka jingshah jied ym tang ba ka wanrah jingkmen ïa u shimet hynrei ïa ka klob baroh kawei, namar kane ka pyni bad pynpaw ïa ka jingkhlaiñ bad jingroi jong ki program kyntiew ïalehkai phutbol jong ka klob.
ïa mynta, ka kynhun U-17 jong ka India , ka dang don hapdeng ka jingpynkhreh da kaba pynlong jingkilanemt ha Srinagar na bynta ka AFF U17 Championship ka ban long ha Bhutan bad ruh na bynta ka AFC U17 Asian Cup Qualifiers ha Thailand.
