Khynñiuh u jumai uba jur 3.7 Magnitude

Shillong, Nailar, 14: U jumai uba jur 3.7 magnitude u la pynkhynñiuh ïa ka jylla Meghalaya ha ka step sngi Balang ha ka jingjngai kaba 10 kilomitar.
Ym shym la don kano kano ka jingjia ba sngewsih ne ka jingjulor ki ing ki sem.
Ïa ka jingkhynñiuh jong u jumai la ïohsngew ha ka por 10:55 baje mynstep bad ka thymmei ka dei na East Jaiñtia Hills District, ong ka tyllong jingtip na ka National Center for Seismology.
Ka Meghalaya bad kiwei ki jylla ha ka thaiñ Shatei Lammihngi ki dei ki lynti ïaid jong u jumai bad ka jingkhynñiuh u jumai ka ju jia khah khah na ka por sha ka por.