Shillong, Naitung 28: Ka khubor ka iathuh ba ka sor Tura ka la ïoh ïa ka showroom ba thymmai jong ki kali arshaka ban pynbiang ïa ka jingdawa kali arshaka ha Ri-lum Garo. Ka JN Suzuki, ka kompeni die kali arshaka, ka la plie ïa ka shnat treikam ba thymmai ha Tura ha ka sngi saitjaiñ.
La ong ba kane ka showroom ka don ha Araimile, New Tura, kaba don marjan ka Tura Beat House ba thymmai. Ka dei ka showroom kaba lai hapoh Jylla hadien ka Shillong bad Jaiñtia Hills.
Ïa kane ka showroom la plie da u Superintendent of Police ka West Garo Hills, Abraham T Sangma.
Shuh shuh kane ka showroom ka buh ïa ki kali arshaka bapher bapher kynthup ïa ka Suzuki Access 125, ka Avenus, Burgman, Suzuki Gixxer bad ka adventure motorcycle V-Storm SX 250cc.
Nalor kane, ka showroom ka don ruh ïa ka workshop bad service station ban maramot, die ïa ki tiar bad nalor kiwei pat.
