Shillong, Jymmang 27: Ka jingïalehkai Final jong ka XI Mawryngkneng Greater Football League 2021-22 ba la pynïaid da ka Mawryng-kneng Cultural & Sports Club kan long ha ka 28 tarik Jymmang (sngi Saitjaiñ) hapdeng ka Nongdawah SC pyrshah ïa ka Pdengshnong SC ha ka por 2:30 baje janmiet hapoh madan Mawryngkneng Stadium.
La khmih lynti ba ka jingïalehkai kan long kaba itynnad ha baroh artylli ki team kidei kiba mar katjuh bor. Ha kane ka sngi u MLA ka thaiñ u bah Pyniaid Sing Syiem un long kum u kongsan. Ka MCSC ka ïawer ïa ki paidbah riew ieit Football ban wan sakhi ïa kane ka jingïalehkai Final bad ka bai rung ka long 40 tyngka marwei.
