Sngewnguh ka Seiñ Raij Jowai ba jop ka jingpyndep ïa ka lehniam Behdieñkhlam

Jowai, Naitung 05: Ka Seiñraij Jowai ka pynpaw ka jingaikhublei ïa baroh halor ka jingpyndep jong ka ïaka lehñiam Behdieñkhlam 2024 kaba ïaidbeit ïaid ryntih hapdeng ka jingiphuh iphieng bad ka jingshongkun.
Ka Seiñraij Jowai ka ai khublei ïa baroh kiba don bynta lem ha kane ka Behdieñkhlam kata naduh u Dolloi uba lamkhmat ïa ka ñiam, Ka Langdoh, U Langdoh, U Pator, Ki Sangot, ki Maji, ki Wasan ki Waheh kiba pyndep ïa ka ñiam ka rukom naduh u bnai (March) haduh ki Soo Sngi Ki Le I¨aw. Kumjuh ruh ïa ki Phra Kur Phra Kmai, Ki Le Langdoh ki Le Langpung – U Kongwasan Chyrmang, U Langdoh Tuber wa U Langdoh Ïalong.
Ka jingsngewnguh ïa U Deputy Commissioner, WHJ, ïa u Superintendent of Police WJH haka liang ka jingpynïaid beit ïaki kali, ïa ka tnad MeCEL, ïaki Cable & Internet Service Provider kiba pyllait na ka jingthut haka por ba rah ïaki Rong (Rot) haka Sngi Muchai bad kyrpang ki nongpathai khubor kiba la pynsaphriang ïa kane ka lehñiam Behdeiñkhlam mynta u snem.
Ka Seiñraij Jowai ka pynpaw ka jingnguh ïa u kongsan ha ka sngi pynkut ïa ka Behdieñkhlam kata ïa u Myntri Rangbah u Conrad K Sangma, uba la kular ban shna ïa ka Parking ha Madan Siat Thong, ïa u ma Wailadmiki Shylla MLA ka Jowai uba la ïarap ha kiba bun ki liang, la ai khublei kumjuh ïa ki MLA, U Chief Executive Officer & Ki MDC ka JHADC, Ki Officers Sorkar Meghalaya, Ki Syiem, Ki Dolloi, Ki Langdoh, Ki Nongtrei ha ka kam ñiam jong ki raid bapher bapher, ki President bad ki Secretary jong Ki Seiñraij, Seng Khasi bad ka Seng khihlang bad kyrpang ïa ki khun ka ñiamtrai kiba wan sakhi ha kane ka shad ñiam Behdieñkhlam, 2024.
Ka Seiñraij Jowai ka ai khublei Kyrpang kumjuh ïa ka Ministry of Development of North Eastern Region (DONER), jong ka sorkar jylla, Ka Tourism Department, Meghalaya, Shillong bad ka Arts and Culture, Meghalaya, Shillong kiba la ïarap ban pynlong ïa kane ka Behdieñkhlam kaba jop.