Shillong, Jylliew 22: Ka MIT University jong ka Meghalaya dangshen ka la pynlong ïa ka kilan met yoga na ka bynta kiba sah ha MIT, kaba ïaid lang bad ka phang u snem 2024: Yoga for Self and Society. Ïa kane ka prokram la pynlong ha Nongthymmai Sports & Cultural Club, ha kaba ka la don ka jingïashim bynta jong kiba bun ki khynnah pule kiba la phong ruh da ki sopti kiba ïong ne ki black university T-shirts kaba long ka dak jong ka jingïalong kawei.
Kane ka jingïalumlang ka la sdang da ka jingkren u Pro Vice Chancellor, Dr. Debmalaya Bhattacharaya, uba ym tang ba u la donlang ha kane ka jingïalang hynrei u la pynkupburom ïa u Yoga Guru, ba pawnam u Hemant Kumar Rai. Ha ka jingkren u Dr. Bhattacharaya u la banjur halor ka jingdonkam jong ka jingïasohlang lyngba yoga kaba dei ban long manla ka sngi na ka bynta ka koit ka khiah bad ka suk ka saiñ ha ka imlang sahlang. Ki jingkren jong u ki la ai mynsiem khamtam ha kaba ïadei ki kam kilan met ha ki por mynstep.
Haba bud ïa ki jingpynkup burom, u Hemant Kumar Rai u la ïalam ïa ki nongïashim bynta lyngba ki warm-up exercise, bad kiwei. Ki nongïashim bynta ha ka Suryanamaskar, kaba dei na ka bynta ka koit ka khiah bad khamtam na ka bynta ban ïoh ka bor ha la ka met.
Hadien ka jingkilan met, u Hemant Kumar Rai u la ïa sam ïa ka rukom im ka ban ïoh ïa ka jingkoit jingkhia da kaba pynmlien ban kilan met yoga manla ka sngi.
