Ka Jingtip Shaphang ka ONE STOP CENTRE
![](https://mawphor.com/wp-content/uploads/2022/07/mawphor-1.jpg)
Nongstoiñ, Lber 4: Ka One Stop Centre kadei ka Skhim lane ka lad jingïarap kaba la bei tyngka da ka sorkar pdeng lyngba ka Ministry of Women and Child Development (MWCD). Ka dei ka jaka ai jingïarap ïa ki longkmie ne ki kynthei ba don18 snem ka rta, ha kaba ïadei bad ka jingshah thombor ne shah leh beiñ ha la ka jong ka longïing, jaka trei ne ha shnong ka thaw kum ka jingshah ktah kti, leh beijot, shah leh beiñ ne kren beiñ kaba ktah ïa ka jingmut jingpyrkhat bad ka ïoh ka kot.
Ki jingïarap ki long ha kiba bun ki bynta, ka jingïarap kaba long kyrkieh ne ka bym kyrkieh, ka jingleit synran shapoh ki jaka sumar haba pang ne mynsaw jur, ka jingïarap kaba dei bad ki lynti jong ka aiñ, ban ai jaka sah shi por, kumba 5 sngi ei ei, ki jingïasyllok bad ki jingkynpham haba don ha ki jingeh ne haba ktah ka bor pyrkhat.
Ki don bun ki lad ki lynti ban pyntip ne poi sha ka One Stop Centre bad kita ki long ba ki Kynthei kiba shah thom bor, ki lah ban wan mih dalade ne lyngba jong ki briew kiba lah ban synrang lang ïa ki, ne ki briew kiba don ka mynsiem ban ïarap ne lyngba ki Nongtrei Sorkar, kiba haïing hasem, ki paralok parajor, ki sengbhalang, ki volunteer ne lyngba u helpline number 181 ba ïatreilang bad ki pulit, ambulance bad kumta ter ter.
Ban ïoh ïa ki jingtip kiba kham bnïah halor kane ka skhim, wanmih sha ka ophis jong ka One Stop Center ha GAD Quarter type VIIAB quarter No.3 (B) Deputy Commissioner Eastern West Khasi Hills, Mairang.