Nongstoiñ, Risaw 04: Ka Election Committee jong ka Khasi Students Union Central Executive Council, ka la ïoh ban jied bad pynskhem ïa ki nongkitkam jong ka KSU Nongstoiñ Circle samoi treikam 2026-2029 ha ka 3 tarik Risaw 2026. Ha katei ka jingpynthymmai ïa ki nongkitkam jong ka KSU Nongstoiñ Circle ïa ka post President, Vice President bad General Secretary ym don ba ïakhun pyrshah.
Ki nongkitkam ki long kumne President samla Robertgill Khardewsaw, Vice President samla Cooperfield Khardewsaw, General Secretary samla Shemlang Kharbani, Assistant Secretary samla Seibor L.Mawnai, Organising Secretary samla Willbehealthy Tyrsa, Education Secretary samla Samteikordor L.Lyngkhoi, Information & Publicity Secretary samla Markynsai Shyrkon, Environment Secretary samla Rime banskhem Marweiñ, Sport & Cultural Secretary samla Kitboklang Puweiñ, Office Secretary Donbok Riangshiang.
Ha ka jingjied ïa kitei ki Nongkitkam kumba 201 ngut ki dkhot na ki Unit bapher bapher ki la wan ban ïashimbynta. La pynshit pynshngaiñ ïa ka jingpynskhem da ki nongïalam jong ka KSU CEC hapoh ka jingïalam jong u samla Pynshaiborlang Rani Assistant General Secretary KSU CEC u ba la shim ruh ïa ka bynta ban pyntian smai,
Ki nongïalam jong ka KSU West Khasi Hills District Unit naduh u samla Johnfisher Nongsiang President KSU West Khasi Hills District Unit, ki la don bad la wan ai mynsiem ruh da ki nongïalam Barim jong ka KSU Nongstoiñ Circle kiba la shongthait naduh ki por ba la leit noh.
