Nongpoh, K’lyngkot 25: Ha kawei na ka jingjia kaba khlem poi pyrkhat, kawei ka Trok kaba 16 sha ka ka la shah rong tuh shiteng synñiang hadien ba u dribar u la pynieng ha Petrol Pump ha Ri Bhoi District.
Kane ka jingjia ka la jia ha ka step jong ka 24 tarik kata ha ka por 12 baje tam ei, ha kaba ki runar ki la ioh lad ban rong tuh ia katei ka trok na ka jaka ba pynieng ha Petrol Pump, kaba don harud ka surokbah National Highway ha Pahamrioh.
Kane ka trok kaba la shah rong tuh ha ki runar ka don ia u number NL. 01 AG-1112 bad kaba ñiah da u Bah Elisha Maring, kaba ha ka jingshitom ka met u la leit ban pynieng ia katei ka trok ha petrol pump da kaba pan jingbit na ki trai ka petrol pump, hynrei hadien ba u la leit phai noh sha la ing sha Byrnihat, ha ka por shiteng synñia ki runar ki la leit ban rong tuh ia katei ka trok kaba thylli bad kaba ym shy la kit ei ei.
Kumba la paw ha ka CCTV jong katei ka petrol pump, kitei ki runar ki la rong tuh ia katei ka Trok ha ka por shiteng synñia da kaba rah syndon bak ia katei ka Trok kaba haduh mynta kim shym la lap ksai ia kita ki runar kiba don kti ban leh ia kane ka kam tuh kali.
Halor kane ka jingjia, ka liang u Bah Elisha Maring u la leit ban ujor da ka ejehar sha ki bor pulit ha Nongpoh Police Station ban pyntip halor kane ka jingshah rong tuh katei ka trok bad na ka liang ki bor pulit ruh ki la shim khia ban buddien ia kine ki runar ha kaba haduh mynta kim pat shym la lap ksai satia shano ki runar ki la rah ia katei ka trok.
