Shillong, K’lyngkot 24 : Ka Sorkar Jylla ha ka sngi Balang ka la mynjur ban wanrah jingpynkylla ne Amendment ha ka Meghalaya Finance Service Rules, 1989, ban pynthikna ïa ka jingdon tang kawei ka Financial Rules jong ka Jylla.
ïa kane ka rai la shim ha ka jingïalang jong ka Kynhun Myntri ba la pynïaid da u Myntri Rangbah ka Jylla Conrad K Sangma mynta ka sngi.
Haba ïakren bad ki nongthoh khubor, u Myntri bad nongpathai khubor ka Sorkar u Bah Paul Lyngdoh ula ong ba kum kine ki rules jong ki Tnad bapher bapher ki la mih lyngba ki Office Memorandum (OM) na ka por sha ka por bad ki tnad bapher bapher kila bud ïa kine ki OM.
“Hynrei mynta khnang ban pynthikna ïa ka jingtreikam kumjuh bad pynlong aiñ ïa kine ki rules, la rai ba ngin pynrung noh ïa ki hapoh ka Meghalaya Finance Service Rules bad baroh kine ki rules mynta ki la long shibynta jong kawei ka Finance Rules jong ka Jylla Meghalaya” ula ong.
