Mawkyrwat, Nohprah, 17: Ha ka sngi saitjaiñ la lap ïa kawei ka met ïap na kawei ka lyngkha kba kaba don ha shnong Mawsaw, South West Khasi Hills District.
Katkum ka jingïathuh jong ki Pulit, kane ka met ïap ka dei jong ka Kong Maïandaris Ïawphniaw, kaba la 65 snem ka rta na ka shnong Mawsaw, South West Khasi Hills District.
La ïathuh ruh ba katkum ka jingpyntip na ki briew ba kane ka briew ka la jah bad mih na ïing ha ka janmiet 15 tarik mynta u bnai bad naduh kata ka por kam shym la wan phai shuh sha la ïing.
Kumta dei tat haduh hynnin ka sngi Saitjaiñ ha ka por kumba 7:00 baje ne 7:30 baje mynstep ïa ka met jong ka la ïohi da ki nongshong shnong ba ka la thiah ha lyngkha bad marmar ki la pyntip sha ki bor Pulit.
Ïa ka met jong ka Kong Maïandaris Ïawphniaw la pynkit noh sha CHC Mawkyrwat ban leh ïa ka Post Mortem bad ka jingtohkit halor kane ka jingjia ka dang ïaid shakhmat.
