Shillong, Nailur, 27: U Pulit langrut uba ju synran ban pahara ïa u Additional Judge jong ka Iingbishar Meghalaya High Court, u la dkhat jubor ïa la ka jong ka jingim da ka suloi ha ka sngi Balang.
Ïa une u Pulit langrut uba la tip kyrteng kum u Chiran Musharry Armed Branch Constable/2297 u dei uba dang don ha ka kamram pahara naduh hynin ka miet sngi Baar, ong u Superintendent of Police ka East Khasi Hills u Bah Sylvester Nongtnger.
Ïa u Musharry la lap ba u la thiah ïap hapdeng ka jinglyngkien ka snam ha ka por 6.30 baje mynstep.
Ïa ka met jong une u Pulit langrut la pynkit noh sha Shillong Civil Hospital ban leh ïa ka Post Mortem shwa ban aiti noh sha ki bahaing hasem na ka bynta ka jinglehniam kaba khatduh.
Ki Pulit ki dang pynlong ka jingtohkit kaba bniah halor kane ka jingjia.
