Shillong, Nailar 22 : Mynta ka sngi ki shipai BSF ki la ïoh jingtip ba ki don ki briew kiba hiar sha khappud jong ka ri Bangladesh ryngkat ki jingkit, na ka liang jong ki shipai ki la beh wut wut bad haba ki la ïohi, ki briew kiba kit ïa ki song ki la bret sha khlaw tang ban lait na ka jingshah kem.
Ki shipai BSF ki la kurup ïa kine ki song bad haba ki la plie ïa ki song la lap ba ki dei ki jaiñ saree bad kine ki jaiñ saree baroh ki la kot sha ka T.11 lak tyngka, kine ki jaiñ la ïoh ban kurup na East Khasi Hills District.
ïa kine ki jaiñ la ïoh ban kurup da ki shipai BSF kiba dei na 4th Battalion. ïa kine ki jaiñ saree ba la ïoh ban kurup la aiti sha ki bor jong ki Custom ban leh ïa kaba don kam katkum ki kyndon aiñ.
