Shillong, Naitung 25: Ki Pulit ka nongbah Shillong, ki la kem san ngut ki briew kiba donkti ha kaba pynkulmar hynnin ka sngi ha jaka mane blei ha Mahadevkhola. Arngut na kine kidei ki samla ba hapoh 18 snem.
U SP East Khasi Hills, u Bah Sylvester Nongtnger, u la ïathuh ba ïa kine la kem hynnin hi ka janmiet. Ka jingtohkit halor kane ka jingdonkti jong ki ka dang ïaid shakhmat.
Hynrei u SP City, u Bah Vivek Syiem, u la ong ha ka jingtohkit jong ki Pulit, la shem ba kane ka jingïakulmar kam dei satia ka jingthmu ban pynkulmar ha jaka mane blei lane ban pynthut ïa ka jingmane blei jongno jongno, hynrei kadei ka jingthmu ban tuh ne lute na kawei ka dukan kaba lamih ka jingïakajia. Bad ka jingpynkulmar ruh ka la mih hadien ba la mih ka jingïania ïamai hapdeng uwei u Samla bad kawei ka nongshong dukan hajana kane ka jaka mane blei.
“Ngim dei ban ngeit ïano ïano ba kadei ka jingthmu ban pynkulmar ha kyrteng ka niam, hynrei kadei beit ka jingthmu ban tuh bad ban lute na ka dukan kaba don hajan ka jaka mane blei”, la ong u SP City.
