Jowai, Naitung 20: Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long hynne ka sngi Palei ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Mookymphad Mihmyntdu kala pynliem da 2-1 kol ïa ka Saiñdur Mihmyntdu, ïa ki kol na ka Mokymphad Mihmyntdu la thep da u Wailad Shylla haka minit ba 31, u Haphilabet Ryngkhlem haka minit ba 34. Na ka Saiñdur Mihmyntdu la thep da u Khlur Phawa haka minit ba 12.
Ha ka jingïakhun kaba ar ka Pateiñki Sabah kala pynliem da 2-1 kol ïa ka Mupliang, ïa ki kol na ka Pateiñki Sabah la thep da u Lakhon Dhar ha ka minti ba 53, kawei ka kol ha ka minit kaba 58 la kum thep bakla ïa ka. Na ka Mupliang la thep da u Byforce Star Dhar ha ka minit ba 35.
Ka jingïakhun lashai ka sngi 21 tarik kan long hapdeng ka Pasyih Cultural pyrshah ïa ka Mookaswan Dongwah haka por 10 shiteng mynstep, katba ka Mukhla Umlangchor kan ïakhun pyrshah ïa ka Loompyrdi Iongpiah haka por 12 baje shiteng sngi.
