ïoh ka ri lum Garo ïa ka Lynti Rel naduh Balurghat lyngba ka Bangladesh shaduh Tura

Shillong, Jymmang 2 : Ka Ministry of Railways jongka sorkar pdeng ka la mynjur ban pyntreikam ïa ka projek lynti Rel kaba 120 Km naduh Balurghat lyngba ka Hili Bangladesh sha Mahendraganj bad Tura.
U Myntri Rangbah duh ka ri u Narendra Modi u la ïoh ban ïakren bad ïa phylliew jingmut bniah bha halor kane ka projek bad u Myntri Rangbah ka jylla u Conrad K Sangma bad u la pynpaw ba na ka liang ka sorkar pdeng kan ai jingïarap nadong shadong ïa kane ka projek. Na ka liang ka Railway Board ka la pynsted bha ka jingtreikam khnang ban ïoh sdang noh shen ïa kane ka projek bad khamtam eh ban peit ba kam dei ban duna pisa wei ba la sdang ïa ka projek.
Kane ka lynti rel kaba na Tura shaduh Hili kan ïaid lyngba ka Ganbandha Palashbari bad Ghora Ghat sha Hili Bangladesh. Kane ka lynti rel kan ïaid ruh lyngba ka Silchar, Badarpur ha Assam.
Ka jingjngai na Gaibandha sha Mahendraganj ka long tang 20 Km bad donkam ruh ban shna sa tang 10 Km ka lynti rel. Nalor kane la ïathuh ba donkam ruhban shna ïa ka jingkieng nalor ka wah Brahmaputra bad ka wah Jamuna ha Bengal.
Ka jingjngai na Tura haduh Mahendraganj pat ka long tang 50 Km bad ka sorkar ka la mynjur ban bei pisa nadong shadong ban tei ïa kane ka projek.
Na ka liang u Chairman jongka Raiway Board u la pynthikna ba kan ym don kano kano ka jingduna pisa ha kaba ïadei bad ka jingtei ïa kane ka projek kaba heh jongka tnad Railway.