Shillong, Jylliew 26: Palat 200 ngut ki Staff Nurse ha NEIGRIHMS, ka Hospital kaba don ha Shillong, kin shah pynsangeh treikam naduh u bnai ban wan.
Ka tyllong khubor ba la ïoh ka ïathuh ba kine ki Nurse kidei kiba la shu thung ym dei na ka Hospital, hynrei kidei kiba la shu thung da ki Agency ne ki Kompeni kiba la shu aiwai ne outsource da ka NEIGRIHMS.
Haba la wad khambniah halor kane ka jingshah pynsangeh noh kine ki Nurse kiba don napdeng jong ki kiba la trei da ki snem, kadei namar ba ka Hospital ka la phah wan join trei noh ïa ki Nurse kiba la pass lyngba ka eksam ne ka interview kaba la pynlong ha kine ki snem baladep.
Ka khubor ba la ïoh ka ïathuh ba ki don palat lai spah ngut ki Nurse, khambun ki trai jylla kiba la ïoh trei kam Nurse ha NEIGRIHMS lyngba kane ka out sourcing. Mynta kiba bun na ki kin hap ban sangeh noh bad kin wan noh kiban trei kum ki permanent, tangba kiba bun kidei kiba wan na shabar jylla.
La ïathuh ruh ba kine kiban shah pynsangeh noh naduh u bnai ban wan, kim shym la ïoh jingthoh ne shithi eiei wat na ka Agency kaba thung ïa ki ruh, hynrei la kynnoh ba la shu ong ïa ki da ka ktien ba nym wan trei shuh naduh u bnai ban wan.
