Nongpoh, Jylliew 26: Uwei u Koidi mynta ka sngi u la lait ban phet tuh na kti ki pulit, kaba dei hadien ba ki la leit ban ïalam ban phah sumar katba ki dang ïalam ban rung sha ka kamram jong u Doctor ha Civil Hospital Nongpoh, Ri Bhoi.
Kane ka jingjia ka la jia mynta ka sngi, ha kaba ka tyllong khubor ka ïathuh ba uwei u koidi ba la tip kyrteng kum u Rajit Kongngian u la ioh ban phet tuh na ka kti ki Pulit da kaba shim kabu ban phet katba dang ïalam ïa u ban phah sumar ha u doctor kaba la jia ha Civil Hospital Nongpoh.
La ïathuh ruh ba ïa une u koidi la synran da ki bor pulit naduh na District jail Mawsyntai ban phah wan sumar ha Civil Hospital Nongpoh, hynrei kaba dang ïalam sha ka kamram jong u Doctor, une u koidi u la shim kabu ban phet tuh na katei ka jaka ai jingsumar da kaba phet jyndat na katei ka jaka ai jingsumar.
Na ka liang ki bor ba dei peit, ki la phah ruh ïa ka kynhun pulit ban leit thwet ïa une u koidi ba la lait ban phet tuh na katei ka jaka ai jingsumar ha kaba ki pulit ki dang pynlong ïa ka jingthwet kaba jur bad na ka liang ki bor pulit ki la kyrpad ruh ïa ki paidbah ba lada ki lap ne iohi ïa une u koidi ba kin pyntip sha ki bor pulit khnang ban ioh bankem bad ban leh katkum ki kyndon jong ka aiñ, ong ka tyllong khubor ba la ioh lum na ki bor pulit ka Ri Bhoi.
