Buh jingkheiñ ïa ka rung ka mih ki nong Manipur ba wan phet rieh ha Meghalaya, dawa ka VPP

Shillong, Jylliew 15 : Ka Voice of the People Party (VPP) ha ka sngi Palei, ka la kyntu ïa ka sorkar jylla ba ka dei ban buh jingkhein bha ïa ka jingdon jong ki briew ba wan phetrieh na jylla Manipur ban riehtngen ha Meghalaya namar ka jingïaumsnam ha katei ka jylla.
Na ka liang ka VPP hapoh ka jingïalam jong u General Secretary, Dr. Ricky AJ Syngkon, haba kren bad ki lad pathai khubor hadien ba la dep ban phah ïa ka shithi sha u Symbud Myntri Rangbah ba peit ia ka tnad Kampohiing ka jylla, u la ïathuh ba ba kum ka party ki dap da ka jingsngewkhia halor ka jingjia ha Manipur. U ong ruh ba ha kawei pat ka liang ki kwah ruh ba ka jylla kan buh jingkheiñ katno ngut na katei ka jylla kiba wan ban phetrieh bad wan phetwir sha kane ka jylla.
“Ngi la dep ban ai ha u Myntri ka tnad Kampohiing ka jylla ïa ka shithi ryngkat ka jingkyrpad ba un buh jingkheiñ kaba tikna ïa ka jingdon ki briew kiba wan phetwir na katei ka jylla khnang ba tang shu wanphai ka shong suk shongsaiñ kin ïoh ban leit phai biang sha ka jylla kaba ki wan,” u la ong.