Yn pynlong ka KSU-NC ia ka jingai khusnam ‘”12th Mait Shaphrang Academic Award 2023″

Khliehriat jylliew 11: Ka Kat kum u kyrwoh ba la phah da u Education Secretary KSU Narpuh Circle, u samla Chanmi Syrti, la ong ba ka Khasi Students Union Narpuh Circle, kan sa pynlong ia ka jingai khusam ia ki khynnah pule jong ka thaiñ Narpuh, East Jaiñtia Hills District, ka “12th Mait Shaphrang Academic Award 2023”
Ïa kane ka khusnam ka seng kan ai sha kito ki samla kiba pass bha shakhmat, ha ka kyrdan ba nyngkong (1st division) kiba ialeh ia ka exam SSLC, HSSLC, Bachelor degree bad Master degree na ki Board bapher bapher, kito kiba pass ha une u snem 2023.
La bthah ruh ba kito ki samla pule kiba na ka thaiñ Narpuh kiba kwah ban ioh pdiang ia katei ka khusnam, kin sngewbha ban pynpoi ia ki kot ba donkam (xerox copy) kum ka mark sheet bad certificate sha ka ophis treikam jong ka seng kaba don ha Lumshnong lane ki lah ruh ban shu phone ha kine ki mobile number 6009103554 /8787897288 /9862702117 /6009655041 lane ki lah ruh ban shu phah ha ka email ID jong ka seng ksunarpuh@gmail.com ha lane shwa ka 20/06/2023.
Ïa ka tarik, por bad ka jaka ban pynlong ia katei ka prokram yn sa pyntip hadien.